from The General Prologue to THE CANTERBURY TALES
                                                                 - Geoffrey Chaucer

Whan that Aprill with his shoures soote
The droghte of March hath pierced to the roote,
And bathed every veyne in swich licour
Of which vertu engendred is the flour;
When Zephirus eek with his sweete breeth
Inspired hath in every holt and heeth
The tendre croppes, and the yonge sonne
Hath in the Ram his halve cours yronne,
The smale foweles maken melodye,
That slepen al the nyght with open ye
(So priketh hem nature in hir corages);
Thanne longen folk to goon on pilgrames,
And palmeres for to seken straunge strondes,
And specially from every shires ende
Of Engelond to Canterbury they wende,
The hooly blisful martir for to seke,
That hem hath holpen whan that they were seek.

....try writing THAT with Spellcheck! haha